إضراب مدرسات الفنية بنات ببنها

الجمعة 30 سبتمبر 2016 | 02:47 م

بواسطة : بنها_سيتى | المشاهدات : 1158

أضرب العشرات من مدرسات مدرسة الفنية بنات ببنها عن العمل بسبب قرار ندبهم بالتناوب مع مدارس أخرى بالمحافظة، وتم اختيار 33 مدرسة أساسية، تم تعينهم سنة 1984، تتراوح أعمارهن من 57 إلى 55 ولا يقدرن على السفر.

وتقول منى مدرسة بالمدرسة، احنا مش صغيرين علشان نتبهدل ليه القرار ده وليه أطبق على الفنية بنات فقط مطبقشى على أى مدرسة تانية، احنا فينا مدرسات فاضل لهم ثلاث سنوات ويخرجوا معاش وسكنهم قريب من المدرسة وطول حياتهم على كده، ازاى تقدر تروح الخانكة وشبين القناطر.

وتقول آمال ميخائيل انا عندى مرض فى رجلى ومش بقدر امشى كتير وجوزى مريض علشان اروح الخانكة امشى ازاى وارجع بيتى امتى علشان اراعى جوزى.

وقالت الحاجة قدرية مدرسة بالمدرسة انا عندى 54 سنة وبعانى من مرض فيروس "سى" مقدرشى اقعد فى المواصلات وقت طويل رجلى تعبانى وجالى انتداب للقناطر يعنى ساعة فى العربية ازاى وده كله علشان يجيبوا اللى كنا بندرس لهم مكانا هما عندهم 30 سنة مفيش مشكلة عندهم احنا ميقدرشى.

ومن جانبه استنكر طه عجلان وكيل وزارة التربية والتعليم بالقليوبية القرار وطلب من المدرسات تقديم شكوى وبالفعل تقدمن بشكوى واستلمها محمد السيد الصادق مدير التعليم الفنى بالمديرية، إلا انه أثار غضبهم بسبب معاملته السيئة لهم واستهتاره بهم.

المصدر : غادة وحيد ( جريدة المواطن )